11. januar fór Articon undir at umvæla og gera ein tilbygning til FK-handilin í miðbýnum í Havn.

Arbeiðið hevur millum annað umfatað at skifta flísarnar á gólvinum í handlinum og á goymsluni. Samstundis, sum hetta arbeiðið fór fram, bleiv túnið, har vørumóttøkan er, grivið upp og stoypt nýtt.

Articon gjørdi eisini fleiri smærri umvælingar inni í handlinum umframt eina uppíbygging, har tað í framtíðini skal bakast breyð og aðrar bakeoff-vørur.

Føroya Keypsamtøka stóð sjálv fyri samskipan av arbeiðinum og avtalum við aðrar fakarbeiðstakarar.

Verkætlanin var liðug í gjár og er í dag avhendað Føroya Keypsamtøku.