Bygging

Articon hevur seinastu nógvu árini bygt fleiri stórar og sera ymiskar bygningar. M.a. kunnu nevnast Hoyvíkar kirkja, Skúlin á Argjahamri, nýggja høvuðssætið hjá Bank Nordik, smoltstøðin hjá Bakkafrost Noðuri á Strond, Hotel Brandan og nýggja el-verkið hjá SEV á Sundi.

Felags fyri tær stóru verkætlanirnar er, at Articon ger meginpartin í eginframleiðslu, meðan HVS-, EL- og málaraarbeiði verða gjørd av undirarbeiðstakarum.

Betongarbeiðir

Articon hevur líka síðani tað bleiv sett á stovn, arbeitt sera nógv við betong. Tí er tað í felagnum ein sterkur kunnleiki innanfyri hetta arbeiðsøkið. Hesin kunnleikin verður styrktur av, at Articon framleiðir og veitur betong. Umframt at hava nógvar royndir og kunnleika innan betongarbeiðið, so er Articon – sum nakað nýtt í Føroyum – farið at útbúgva fólk innan betongarbeiði. Tað eru í løtuni fleiri lærlingar hjá Articon, ið útbúgva seg til byggismið við sergrein innan betong, forskalling og bygging yvirhøvur.

Timbur og snikkara arbeiðir

Articon hevur síðani tað bleiv sett á stovn, arbeitt sera nógv innanfyri hesi arbeiðsøkini, og hava ein stóran starvsfólkahóp við sera nógvum royndum. Starvsfólkahópurin fevnir um bæði roynd starvsfólk við viðkomandi útbúgving innan øki og lærlingar undir útbúgving. Articon kann tí loysa bæði truplar og stórar uppgávur innan timbur- og snikkaraarbeiði.

Múraraarbeiðir

Articon hevur eitt múrartoymið við fleiri útlærdum múrarum, umframt lærlingar undir útbúgving. Ígjøgnum nógv ár, hevur múraratoymið hjá Articon loyst bæði stórar og smærri uppgávir innanfyri múraryrkið, og er tí førleikar til at loysa allar uppgávur innan hetta arbeiðsøkið. Múraratoymið virkar bæði sum ein partur av størri verkætlanum hjá Articon, men eisini sum ein sjálvstøðug eind, ið kann gera arbeiðir, sum einans umfatar múrarauppgávur.

Renovering.

Articon hevur síðani tað var sett á stovn, arbeitt við umvælingum. Hetta er bæði størri og smærri umvælingar innan flestu arbeiðsøkir, sum Articon arbeiðir innanfyri. Tað er bæði innan bygningar, rør- og lendisarbeiði, umframt renovering av skipum. Hetta er eitt arbeiðsøkið, sum Articon hevur førleikar innanfyri á nógvum ymiskum fakøkjum.

El- arbeiðir

Seinastu árini hevur Articon virka meira fyri at góðskutrygga EL-tilboð og virksemi í teimum ymisku verkætanum. Við dugnaligum starvsfólki hava vit í dag serkunnleika innan EL, sum gagnar kundaskaranum hjá felagnum. Er talan um størri EL-uppgávur, sum krevja nógv arbeiðsfólk, so hevur Articon eisini royndir og førleikar, at stýra hesum arbeiðum.

Elementframleiðsla

Articon hevur gjøgnum árini framleitt elementir til fleiri stórar verkætlanir, tað hevur verið elementir úr bæði timbur og betong. Í 2019 valdi Articon, so at taka hesa framleiðslu eitt stig víðari, og bygdi eina stóra elementhøll á Sundi, sum einans skal nýtast til at framleiða timbur elementir. Articon hevur bæði førleikar og umstøður, at framleiða bæði betong- og timbur-elementir til verkætlanir, bæði stórar og smáar. Eginframleiðslan av elementum tryggjar bæði tíðarætlanina og prísstøðið fyri kundan.

Stálmontaga

Articon hevur drúgvar royndir innan stálmontagu. Articon hevur sett nógvar stálkonstruktiónir upp gjøgnum árini, bæði sum standardhøllir, men eisini serframleitt stál í samband við størri verkætlanir. Tað hevur verið við til at styrkja kunnleikan innanhýsis í Articon, til hetta arbeiðsøki. Kunnleikin er tí bæði innan uppsetan, projektering og stýring av uppsetanini. Umframt hetta hevur Articon eitt stálverkstað ið kann hjálpa til, um avbjóðingar eru við stálkonstruktiónum.

Sunnvard Andreasen
Framleiðsluleiðari/COO bygging
Telefon +298 226 117