Sáttmáli undirskrivaður við Tórshavnar kommunu um tunnil og ráveg

1. desember 2022 var lisitatión um arbeiðið at gera tunnil og ráveg. Articon hevði lægsta tilboðið.Í gjárkvøldið varð sáttmáli undirskrivaður millum P/F Articon og Tórshavnar kommunu um heildararbeiðstøku at gera vegastrekkið millum rundkoyringina á Hvítanesi og Marknagilsvegin við Dánjalstrøð, íroknað tunnil undir Húsareyni. Arbeiðið fer í gongd skjótast gjørligt.